مُنکرین حدیث کے شبہات اور اُن کا ردّ
قرآ ن ِ مجید کے بعد حدیث نبوی صلی اللہ علیہ وسلم اسلامی احکام اور تعلیمات کا دوسرا بڑا ماخذ ہے۔ بلکہ حقیقت تویہ کہ خود قرآن کریم کو ٹھیک ٹھیک سمجھنا ،اس سے احکام اخذ کرنا اور رضائے الٰہی کے مطابق اس پر عمل کرنا بھی حدیث وسنت کی راہنمائی کے بغیر ممکن نہیں ۔لیکن اس کے باوجود بعض گمراہ ا و رگمراہ گر حضرا ت حدیث کی حجیت واہمیت کومشکوک بنانے کی ناکام کوششوں میں دن رات مصروف ہیں اور آئے دن حدیث کے متعلق طرح طرح کے شکوک وشبہات پیدا کرتے رہتے ہیں ۔ لیکن الحمد للہ ہر دور میں علماء نے ان گمراہوں کاخوب تعاقب کیا اور ان کے بودے اور تارِعنکبوت سے بھی کمزور اعتراضات کے مدلل ومسکت جوابات دیے ہیں ۔منکرین کے رد میں کئی کتب اور بعض مجلات کے خاص نمبر ز موجود ہیں ۔ ان کتب میں سے دوام حدیث ،مقالات حدیث، آئینہ پرویزیت ، حجیت حدیث ،انکا ر حدیث کا نیا روپ وغیرہ اور ماہنامہ محدث ،لاہور ،الاعتصام ، ماہنامہ دعوت اہل حدیث ،سندھ ،صحیفہ اہل حدیث ،کراچی کے خاص نمبر بڑے اہم ہیں ۔ زیر نظر کتاب ’’منکرین حدیث کے شبہات اور ان کارد ’’ پروفیسر سعید مجتبیٰ سعیدی (فاضل مدینہ یونیورسٹی سابق مدرس جامعہ لاہور الاسلامیہ ،لاہور) کےجامعہ لاہور الاسلامیہ میں علمائے کرام کی ایک سات روزہ تربیتی ورکشاپ منعقدہ 2005میں منکر ین حدیث کے رد میں دئیے گئے لیکچرز کی کتابی صورت ہےجس میں منکرین کے شبہات ومغالطات کا ٹھوس علمی دلائل کے ساتھ رد کیا گیا ہے بظاہر یہ ایک مختصر سا کتابچہ ہے لیکن علم سے لبریز ہے ۔ اللہ تعالیٰ اس کتابچہ کواپنی بارگاہ میں شرف قبولیت سے نوازے (آمین) (م۔ا)۔
اسم الكتاب: شبهات منكري السنّة والرد عليها
نبذة مختصرة: كتاب بلغة الأردو يبين مكانة السنة النبوية وأهميتها، وأنها مصدر ثان للشريعة الإسلامية، ومبين وشارح للمصدر الأول القرآن، ولا يمكن فهم القرآن إلا بها، ولكن مع الأسف الشديد هناك فئة من الناس يشككون في السنة النبوية ويردون الشبهات والاعتراضات الباطلة التي أوهي من بيت العنكبوت، وقد قام العلماء برد تلك الشبهات عبر القرون ،وهذا الكتاب رغم اختصاره إلا أنه جامع ومهم في دحض شبهات منكري السنة وأشباههم.
